يلا بقى .... مش مهم

افكار افكار كل ما افكر فى حاجه فى الاخر ما وصلش غير لحاجه من الاتنين

ياما مفيش حل يا واقع متحقق يضايق اكتر من انى مكتشفش حاجه

فجاه الواحد بفكر يصحى على واقع مكنش متخيله

ايه ده هو ده هو كده

وكل حاجه تحصل بعدها تاكدلك اه هو كده

ده الواقع اللى لازم تصحى ليه وعليه

والغريب ان الافكار دى مش شخصيه ا

دى عن البلد ..الوضع اللى بقت فيه .مستقبلنا جواها كل الناس اللى عايشه فيها.. ازاى ؟؟..عوائق الدنيا اللى بتكتر

والواحد مكنش مصدق

طول عمرى مصدقه انى  حلمى ممكن احققه بتعب شويه اجتهاد شويه

بس دلوقتى حاسه ان ممكن بعد ده كله ميتحققش

ودى حاجه عاديه يعنى وتحصل لناس كتير

وارجع افكر تانى طب فعلا كده واجيبها يمين وشمال

واعد افكر افكر ودماغى تدخل فى كل حاجه

دين وسياسه وكل حاجه

يعنى مثلا الصوره اللى الاعلام بيقدمهالنا عن الجماعات الاسلاميه دى فعلا صح؟والواحد المفروض يصدقها

ولا يطلع غلط وهما بس عايزين يوصللونا كده عشان نقتنع بيه ومنصدقهمش

ولا نكتشف احنا كده ونصدقهم ويطلع الصوره دى صح وبعد كل اللى شفناه متعلمناش...؟؟؟

حاجات زى دى كتير واتنين يردو على بعض فى دماغى فى كل راى

وكل واحد متعصب جدااا لرايه وعنده اسباب وحجج وكل حاجه

دماغى بجد وجعتنى حاسه مخى بيشتكى

بس نفسى دماغى تقف ...ما افكرش

نفسى دماغى تنااااااااااااااااااام

ولو لفتره صغيره

عشان تعبت واتخنقت بجد

ناويه اشد اللحاف واتخلى عن كل ده

اللى يحصل يحصل واللى ميحصلش ميحصلش

......

بعد ما ادى وبعد ما خد بعد ما هد وبنى واحتد

شد لحاف الشتا من البرد

بعد ما لف وبعد ما دار بعد ما هدى وبعد ما ثار 

بعد ما داب واشتاق واحتار

حط الدبله وحط الساعه حط سجايره و الولاعه علق حلمه على الشماعه

محمد منير _شداللحاف 

فى كلمتين من كتر ما بيتكررو انا فعلا زهقت منهم

مش ممكن كل شويه دول كل شويه هما هما

نيئس من وجود حل للى بيضايقنا نقوم نقول

وبعدييييييييين؟؟؟!!

ويكون الرد كلعاده

ولا حاااااااجه

.

.

بتعملى ايه ؟؟

برضه الرد

ولا حااااااااجه

انا بقى اللى بسأل او بتسأل مش هاتفرق كتير

بس بصراحه لو الرد على السؤالين دول اتغير

هاحس فعلا بفرق فى حياتى

بس تفتكرو هايحصل ايه؟؟

ولااا حااااجه